டேட்டாவை மிச்சப்படுத்தும் புதிய அப் டேட்டாலி (Datally)

அண்மையில் கூகுள் நிறுவனம், ‘டேட்டாலி (Datally)’ என்னும் மொபைல் டேட்டாவை (DATA) மிச்சப்படுத்தும் அப்பை வெளியிட்டுள்ளது.

புதிய டேட்டாலி ஆப்பினை கொண்டு ஸ்மார்ட்போன் (smartphone) டேட்டா பயன்பாட்டை கட்டுப்படுத்த முடியும். இந்த ஆப் மூலம் ஸ்மார்ட்போனில் எவ்வளவு டேட்டா பயன்படுத்தப்படுகிறது, எந்தெந்த ஆப்கள் அதிகளவு டேட்டாவை பேக்கிரவுண்டில் பயன்படுத்துகின்றன என்ற தகவல்களை அறிந்து கொள்ள முடியும். இதன் மூலம் மொபைல் டேட்டா வீணாவதை தடுக்க முடியும்.

கூகுளின் டேட்டாலி ஆப் மொபைல் டேட்டாவை சரியாக புரிந்து கொண்டு, கட்டுப்படுத்தி அவற்றை சேமிக்கும். டேட்டாலி ஆப் உங்களது ஸ்மார்ட்போனின் மொபைல் டேட்டா பயன்பாட்டை ஒரு மணி நேரம், தினசரி, வாராந்திர மற்றும் மாதாந்திர அடிப்படையில் கண்காணிக்கும். இதைத் தொடர்ந்து அதிகளவு மொபைல் டேட்டாவினை சேமிக்க நீங்கள் என்ன செய்ய வேண்டும் என்பதை டேட்டாலி ஆப் பரிந்துரை செய்யும்.

google-datally app overview in tamil oruthuli

இந்த ஆப் மூலம் குறிப்பிட்ட ஆப் ஏதேனும் அதிகளவு டேட்டா பயன்படுத்துவதை கண்டால் ஆப்பில் ஒரு கிளிக் செய்து டேட்டா பயன்பாட்டை குறிப்பிட்ட ஆப்பில் மட்டும் நிறுத்த முடியும். மேலும், இதன் சிறப்பு அம்சம் வாடிக்கையாளர்கள் செல்லும் இடங்களில் கிடைக்கும் பொது வை-பை (public wi-fi) இருப்பதை நோட்டிபிகேஷன் மூலம் தெரியப்படுத்தும், இதன் மூலம் உங்களது டேட்டா பயன்படுத்துவதை தவிர்க்க முடியும்.

கூகுளின் டேட்டாலி (Datally) ஆப்,  Android 5.0 மற்றும் அதனைவிட அதிகமான வெர்ஷன் ஆண்ட்ராய்டு ஸ்மார்ட்போன்களில் பயன்படுத்த முடியும். இந்த ஆப்பின் அளவு 5எம்பி. இந்த ஆப்பை உபயோகிக்க மொபைலின் லொகேஷன், வை-ஃபை, போன் டிவைஸ் மற்றும் ஆப் வரலாறு ஆகியவற்றின் அனுமதி தேவைப்படுகின்றன.

நீங்களும் Datally App ஐ முயற்சி செய்து, அது எவ்வாறு உங்கள் data வை சேமிக்கிறது என்று பாருங்களேன். தரவிறக்கம் செய்ய Get On PlayStore லிங்கை கிளிக் செய்யவும். 

மறக்காமல் உங்கள் கருத்துக்களை பதிவு செய்யுங்கள்…

 

Add Comment