விண்வெளி வீரர்களுக்கு உணவாக மாறப்போகும் மனித கழிவுகள்!

விண்வெளியில் நெடுநாள் தங்கியிருக்கும் போது உணவுக்கு அல்லல்படும்  நிலை சமீபகாலமாக தொடர்ந்து வருகிறது.பூமியில் இருப்பதை விட விண்வெளியில் இயற்பியில் மற்றும் வேதிவினை பண்புகள் மாறுபட்டு இருக்கும் என்பதே இதற்கு காரணம்.

இந்நிலையில், இவ்வாறு விண்வெளிக்கு நீண்ட தூரம் பயணம் மேற்கொள்ளும் வீரர்கள், தங்களது உணவுத்  தேவையை  தாங்களே எவ்வாறு  தீர்த்துக்  கொள்வது என்று யோசித்த விஞ்ஞானிகள், தற்போது மனித கழிவையே உணவாக மாற்றம் செய்யும் முறையை  ஒரு தீர்வாக சோதித்து வருகின்றனர்.

இது குறித்து கலிபோர்னியா பல்கலைகழகத்தின் பேராசிரியர் கிறிஸ்டோபர் ஹவுஸ் கூறுகையில், மனித கழிவையும் சிறுநீரையும் ஊட்டச்சத்து மிகுந்த உணவாக மாற்றும் நுண்ணுயிர்களை சோதித்து வருவதாக தெரிவித்தார்.

மேலும், இது பற்றி நுண்ணுயிர் ஆராய்ச்சியாளர்கள் கூறுகையில், விண்வெளிக்கு செல்லும் விண்கலத்தில் முடிந்த வரை குறைவான பொருட்களை வைத்துத்தான் அனுப்ப முடியும்.அதுவும் தொலைதூரம் செல்லும் விண்கலனில் பூமியிலிருந்து உணவை கொண்டு செல்வது மிகக்கடினம் என்றும் தெரிவித்தனர்.

இத்தகைய பிரச்னைகளுக்கு தற்போது உள்ள ஒரே தீர்வு அவர்களுடைய கழிவை அவர்களே ஊட்டச்சத்து உணவாக மாற்றுவது தான்.கேட்பதற்கு சற்று கடினமாக தோன்றினாலும், இது மதிப்புக்கூட்டப்பட்டதாக இருப்பதால் அச்சப்படுவதற்கு ஒன்றுமில்லை என்று ஆராய்சியாளர்கள் கருதுகின்றனர்.

Add Comment